ខេត្តកែប៖ អនុវត្តតាមអនុសាសន៍ណែនាំដ៏ខ្ពង់ខ្ពស់ ពីឯកឧត្តម នាយឧត្តមសេនីយ៍អគ្គស្នងការនគរបាលជាតិ នៅថ្ងៃទី២១ ខែសីហា ឆ្នាំ២០២៥ នេះ លោកឧត្តមសេនីយ៍ទោ សម្បត្តិ សុធារដ្ឋ ស្នងការនៃស្នងការដ្ឋាននគរបាលខេត្តកែប បានអញ្ជើញដឹកនាំកិច្ចប្រជុំបូកសរុបសភាពការណ៍លទ្ធផលកិច្ចប្រតិបត្តិការការងារប្រចាំខែសីហា និងលើកទិសដៅអនុវត្តការងារខែបន្ទាប់ ឆ្នាំ២០២៥ នៅសាលប្រជុំនៃស្នងការដ្ឋាននគរបាលខេត្តកែប។ក្នុងនោះលោក លោកឧត្តមសេនីយ៍ទោ ស្នងការនគរបាលខេត្តកែប បានផ្តល់ការយកចិត្តទុកដាក់ និងដាក់ចេញទិសដៅអោយថ្នាក់ក្រោម បន្តយកចិត្តទុក្ដដាក់ រក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ពិសេសសុវត្ថិភាពមណ្ឌលប្រឡងសញ្ញាបត្រមធ្យមសិក្សា ទុតិយភូមិ ឆ្នាំសិក្សា ២០២៤-២០២៥ ដែលនឹងប្រព្រឹត្តិទៅ នាថ្ងៃទី១៨ ខែសីហា ឆ្នាំ២០២៥ ខាងមុខនេះ ក្រោមពាក្យស្លោក «អ្នកចេះ គឺជាប់»។ កិច្ចប្រជុំមានការអញ្ជើញចូលរួមពីលោក លោកស្រី ឧត្តមសេនីយ៍ វរសេនីយ៍ ស្នងការរងទទួលផែនគ្រប់ផែន លោក លោកស្រីឧត្តមសេនីយ៍ វរសេនីយ៍ ស្នងការរង ទទួលជំនួយការដឹកនាំការិយាល័យ នាយ នាយរងការិយាល័យជំនាញ អធិការ អធិការរងនគរបាលក្រុង ស្រុក ប្រធានក្រុមអន្តរាគមន៍ ប្រធានគោលដៅប្រចាំការសាលាខេត្ត គោលដៅតំបន់ទេសចរណ៍ និងនាយប៉ុស្តិ៍នគរបាលរដ្ឋបាលទាំង៥ ឃុំ សង្កាត់ សរុបចំនួន១៣២នាក់។បន្ថែមពីនោះលោក លោកឧត្តមសេនីយ៍ទោ បានដាក់ចេញនូវទិសដៅអនុវត្តបន្តរួមមាន ពង្រឹងការងារជំនាញ ការងាររដ្ឋបាលក្នុងការបង្ការបង្រ្កាប បទល្មើសព្រហ្មទណ្ឌ គ្រឿងញៀន ក្មេងទំនើង ធានាបានសេចក្តីសុខក្សេមក្សាន្តជូនប្រជាពលរដ្ឋនិងសង្គមជាតិ បន្តអនុវត្តគោលការណ៍សេចក្តីណែនាំរបស់ថ្នាក់ដឹកនាំក្រសួងមហាផ្ទៃ និងអគ្គស្នងការនគរបាលជាតិ ឱ្យទទួលបានប្រសិទ្ធភាពខ្ពស់ យកចិត្តទុកដាក់បម្រើសេវាសាធារណៈជូនប្រជាពលរដ្ឋ ក្នុងការពន្លឿនការផ្ដល់អត្តសញ្ញាណប័ណ្ណសញ្ជាតិខ្មែរ សៀវភៅគ្រួសារ សៀវភៅស្នាក់នៅជូនប្រជាពលរដ្ឋ គ្រប់គ្រងការស្នាក់នៅជនបរទេសរយៈពេលវែង ខ្លី ពង្រឹងគ្រប់គ្រងកម្លាំងកងអនុសេនាតូចទាំង២កង ដើម្បីត្រៀមគ្រប់លក្ខណៈសម្បត្តិគាំទ្រសមរភូមិមុខ ជាដើម៕
វីដែអូ