ខេត្តកំពង់ឆ្នាំង៖ នាថ្ងៃសុក្រ ទី១៥ ខែសីហា ឆ្នាំ២០២៥ (ត្រូវនឹងថ្ងៃ ៦រោច ខែស្រាពណ៍ ឆ្នាំម្សាញ់) កម្លាំងសមត្ថកិច្ចចម្រុះបានបើកប្រតិបត្តិការបង្ក្រាបបទល្មើសនេសាទខុសច្បាប់នៅតំបន់បឹងវាលសំណាប ស្ថិតនៅពីក្រោយភូមិឃុំពាមឆ្កោក ស្រុកជលគិរី ខេត្តកំពង់ឆ្នាំង។ប្រតិបត្តិការនេះដឹកនាំដោយលោក ប៉ែន ផល្លិកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។ កម្លាំងចូលរួមមានសរុប ១៦ នាក់ មកពី៖ខណ្ឌរដ្ឋបាលជលផលកំពង់ឆ្នាំងអធិការដ្ឋានរដ្ឋបាលជលផលខាងត្បូងបឹងទន្លេសាបសហគមន៍នេសាទភូមិថ្មី និងភូមិកៀនតាម៉ាក្រុមការងារបានប្រើប្រាស់ទូកបាឡាស្មាច់ចំនួន ៤ គ្រឿង ក្នុងប្រតិបត្តិការនេះ។លទ្ធផលនៃការបង្ក្រាបជាលទ្ធផល កម្លាំងចម្រុះបានរុះរើ និងដកហូតវត្ថុតាងជាច្រើនរួមមាន៖របាំងស្បៃមុង ចំនួន ១៦ កន្លែង ដែលមានប្រវែងសរុប ៨៤០ ម៉ែត្រលូស្បៃមុង ចំនួន ១៦ គ្រឿងបង្គោលឈើ ចំនួន ៤៨០ ដើមលើសពីនេះ ក្រុមការងារក៏បានលែងត្រីល្អិតចម្រុះទម្ងន់ប្រហែល ២០០ គីឡូក្រាម ទៅក្នុងដែននេសាទធម្មជាតិវិញផងដែរ។
វីដែអូ