មន្ទីរប្រឆាំងគ្រឿងញៀន នៃអគ្គស្នងការនគរបាលជាតិ បង្ក្រាបទីតាំងកែច្នៃផលិតចែកចាយ និងរក្សាទុកគ្រឿងញៀនដោយឃាត់ខ្លួនឧក្រិដ្ឋជន៤នាក់ជាជនជាតិខ្មែរ និងរឹបអូសសារធាតុ ផ្សំជាច្រើន និងសារធាតុញៀនជាច្រើនទៀត ដែលស្ថិតនៅចំណុចផ្ទះវិឡា សង្កាត់ព្រែកហូរ ក្រុងតាខ្មៅ ខេត្តកណ្តាល។

នាថ្ងៃទី០៣ ខែមិថុនា ឆ្នាំ២០២៤នេះ ឯកឧត្តម ឧត្ដមសេនីយ៍ ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន បានបញ្ជាក់ឲ្យដឹងថា កងកម្លាំងសមត្ថកិច្ចនគរបាលខេត្ត កណ្តាល បានសហការជាមួយកម្លាំងមន្ទីរប្រឆាំងបទល្មើសគ្រឿងញៀន(ក៤) បង្រ្កាបទីតាំងកែច្នៃផលិតចែកចាយ និងរក្សាទុកគ្រឿងញៀន កាលពីថ្ងៃទី៣១ ខែឧសភា ឆ្នាំ២០២៤ ដែលស្ថិតនៅចំណុចផ្ទះវិឡា មួយកន្លែង សង្កាត់ព្រែកហូរ ក្រុងតាខ្មៅ ខេត្តកណ្តាល៕