កែប ៖ ដើម្បីអបអរសាទរទិវាមច្ឆា ជា តិ១ កក្កដា ឆ្នាំ ២០២២នេះ មន្ទីរក សិកម្ម រុក្ខាប្រមាញ់ និង នេសាទ ខេត្តកែបបាននាំយក កូនត្រីចម្រុះចំនួន ៣ ម៉ឺនក្បាល មកព្រលែងក្នុងភូមិសាស្ត្រស្រុកដំណាក់ចង្អើរ។ទិវានេះបានប្រារព្ធធ្វើឡើង នៅព្រឹកថ្ងៃទី ១៧ ខែ សីហា ឆ្នាំ ២០២២ នៅលើទំនប់ចំការបី ឋិតនៅភូមិចំការបី ឃុំពងទឹក ស្រុក ដំណាក់ ចង្អើរ ក្រោមអធិបតីភាព ឯកឧត្តម សោម ពិសិដ្ឋអភិបាលខេត្ត ក្នុងគោលបំណងបំផុស ប្រជាពលរដ្ឋ ចូលរួមចំណែក ការពារអភិរក្ស និង អភិវឌ្ឍន៍ វិស័យព្រៃឈើ និង ជល ផល ក្នុងទិសដៅធានា និរន្តរភាព នៃធនធាន ព្រៃឈើនិង ជលផល ដើម្បី ផលប្រយោជន៍ សេដ្ឋកិច្ចសង្គម និងបរិស្ថាន។ឯកឧត្តម បានអំពាវនាវ អោយប្រ ជាពលរដ្ឋទាំងអស់ ចូលរួមស្រឡា ញ់ ថែរក្សាការពារ សម្បត្ដិធនធានធម្មជាតិ ទាំងអស់គ្នា ឲ្យបានគង់វង្សនៅគ្រប់ទីកន្លែង ដើម្បី ជាប្រយោជ ន៍ ដល់ការរស់នៅ របស់បងប្អូនប្រ ជាពលរដ្ឋ។ដោយឡែក ទាក់ទងនិងទិវាមច្ឆាជាតិ ឯកឧត្តម សោម ពិសិដ្ឋ អភិបាលខេត្តបានលើកឡើងថា បច្ចុប្បន្ននេះ ក្រោមការដឹកនាំប្រកបដោយគតិបណ្ឌិតរបស់ សម្តេច អគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជាបានធ្វើកំណែទំរង់ស៊ីជម្រៅលើវិស័យជលផលដោយបានធ្វើការកាត់រំសាយចោលនូវឡូត៍ នេសាទទឹកសាបទូទាំងប្រទេស ហើយប្រគល់ឲ្យសហគមន៍គ្រប់គ្រងនិងប្រើប្រាស់ប្រកបដោយនិរន្តភាពដោយការធ្វើនេសាទជាលក្ខណៈគ្រួសារ ក្នុងគោលបំណងដើម្បីលើកស្ទួយជីវភាពរស់នៅនិងផ្គត់ផ្គង់ស្បៀងដល់ប្រជាពលរដ្ឋមូលដ្ឋានដើម្បីកាត់បន្ថយភាពក្រីក្រស្របតាមយុទ្ធសាស្ត្រចតុកោណ របស់រាជរដ្ឋាភិបាល ៕
វីដែអូ