ថ្ងៃច័ន្ទ ទី២៧ ខែមិថុនា ឆ្នាំ២០៥០
ទំនាក់ទំនង គេហទំព័រ ធីអ៊ិនអេ 012 598 938
ឯកឧត្តមបណ្ឌិត សោម ពិសិដ្ឋ អភិបាល​ នៃ​គណ:អភិបាលខេត្ត​កែប​ អញ្ជើញជួបសំណេះសំណាលជាមួយ​ លោកគ្រូ​ និងក្រុមកីឡាករបាល់ទះ នៃក្លឹបស្នងការនគរបាលខេត្តកែប
Wed,08 June 2022 (Time 11:10 AM)
ដោយ ៖ (ចំនួនអ្នកអាន: 28នាក់)

ខេត្តកែប :នៅព្រឹកថ្ងៃទី០៧ ខែមិថុនា ឆ្នាំ២០២២​ នេះ​ ឯកឧត្តមបណ្ឌិត សោម ពិសិដ្ឋ អភិបាល​ នៃ​គណ:អភិបាលខេត្ត​កែប​ បានអញ្ជើញជួបសំណេះសំណាលជាមួយ​ លោកគ្រូ​ និងក្រុមកីឡាករបាល់ទះ នៃក្លឹបស្នងការនគរបាលខេត្តកែប ចំនួន១១រូប មុននឹងធ្វើដំណើរចេញទៅប្រកួតយកពានរង្វាន់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅរាជធានីភ្នំពេញ សម្រាប់​ការប្រកួតគឺចាប់ពីថ្ងៃទី៨ ដល់ថ្ងៃទី២៦ ខែមិថុនា ឆ្នាំ២០២២ ពិធីសំណេះសំណាលបានការ អញ្ជើញចូលរួមពីសំណាក លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប លោក ងួន ច័ន្ទសុជាតា ប្រធានមន្ទីរអប់រំ យុវជននិង កីឡា លោកស្រី​ អភិបាលក្រុងស្រុក​ លោកឧត្ដមសេនីយ៍​ត្រី​ តំណាងតំបន់ប្រតិបត្តិការសឹករងខេត្ត​ ប្រធាន​ អនុប្រធាន​ មន្ទីរ​អង្គភាពជុំវិញខេត្ត និងក្រុមកីឡាករជាច្រើនរូបទៀត។
​ ឱកាសក្នុងការជួបសំណេះសំណាលនាពេលនោះ​ ឯកឧត្តមបណ្ឌិត សោម ពិសិដ្ឋ មានប្រសាសន៍ថា ការបង្កើតនូវក្លឹបកីឡាខេត្ដកែប ជាគំនិតផ្ដួចផ្ដើម ដ៏ខ្ពង់ខ្ពស់របស់​ សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ និងទស្សនៈវិស័យ វែងឆ្ងាយក្នុងការរួមចំណែកក្នុងការលើកកម្ពស់វិស័យកីឡានៅកម្ពុជាអោយមានសន្ទុះ​ និងទទួលបានគុណភាព សុខភាព មិត្តភាព និងការផ្សព្វផ្សាយអំពីវប្បធម៌នៃការស្រឡាញ់ពេញចិត្ដលើកីឡាគ្រប់ប្រភេទ។
​ ឯកឧត្តមសង្ឃឹមថាកីឡាករទាំងអស់ និងគោរពទៅការវិនិច្ឆ័យរបស់គណ:កម្មការកីឡា​ ដោយភាពត្រឹមត្រូវ និងត្រូវយកជ័យជំនះក្នុងការប្រកួតជូនខេត្តកែបរបស់យើងអោយបាន។ ជាមួយគ្នា​ ឯកឧត្តមបណ្ឌិត​ ក៏បានឧបត្ថម្ភនៅថវិកាផ្ទាល់ខ្លួន ជូនដល់កីឡាករនៃក្លឹបស្នងការនគរបាលខេត្តកែប ចំនួន ៥,០០០,០០០៛ ផងដែរ៕

វីដែអូ