ក្នុងឱកាសបុណ្យចូលឆ្នាំ ប្រពៃណីជាតិខ្មែររ រយៈពេល 3 ថ្ងៃនៅខេត្តកែបទទួលភ្ញៀវទេសចរ មកលេងកម្សាន្តប្រមាណជាង ១២ ម៉ឺននាក់!
#ខេត្តកែប៖ លោក សោម ចិន្ដា ប្រធានមន្ទីរទេសចរណ៍ខេត្តកែបបានឱ្យដឹងថា សម្រាប់ថ្ងៃសៅរ៍ ទី១៦ ខែមេសា ឆ្នាំ២០២២ ត្រូវជាថ្ងៃទី៣ នៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំខាល ចត្វាស័ក ព.ស ២៥៦៦ គ.ស ២០២២ ខេត្តកែប បានទទួលភ្ញៀវទេសចរជាតិ និងបរទេស អញ្ចើញមកសម្រាកលម្ហែកម្សាន្ត នៅតាមបណ្ដារមណីយដ្ឋាននានាទូទាំងខខេត្តកែបមានចំនួន៥៣,៦៨២នាក់ ក្នុងនោះ ភ្ញៀវទេសចរជាតិចំនួន៥៣,២២៨នាក់ ភ្ញៀវទេសចរបរទេសចំនួន៤៥៤នាក់ ។ឯមធ្យោបាយធ្វើដំណើរដោយរថយន្តសរុបចំនួន៤,៩១២គ្រឿង ក្នុងនោះ រថយន្តតូចចំនួន៣,១០៥គ្រឿង រថយន្តមធ្យមចំនួន១,៧៥៥គ្រឿង និងរថយន្តធំចំនួន៥២គ្រឿង។
សូមបញ្ជាក់ថាក្នុងរយ:ពេល៣ថ្ងៃ(ថ្ងៃទី១៤-១៦) នៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំខាល ចត្វាស័ក ព.ស ២៥៦៦ គ.ស ២០២២ ខេត្តកែប បានទទួលភ្ញៀវទេសចរជាតិ និងបរទេស សរុបចំនួន១២៣,៧១៤នាក់ ក្នុងនោះ ភ្ញៀវទេសចរជាតិមានចំនួន១២២,៦៩៨នាក់ និងភ្ញៀវទេសចរបរទេសមានចំនួន១,០១៦នាក់ សម្រាប់មធ្យោបាយធ្វើដំណើរដោយរថយន្តសរុបចំនួន១១,៨៣១គ្រឿង ក្នុងនោះ រថយន្តតូចចំនួន៧,៥៥៥គ្រឿង រថយន្តមធ្យមចំនួន៤,១៤៣គ្រឿង និងរថយន្តធំចំនួន១៣៣គ្រឿង៕ស៊ុប អះម៉ាត់ កែប
