(ភ្នំពេញ)៖យោងតាមដីកាសម្រេចលេខៈ៣៩៨(ឋ)ដ.រចុះថ្ងៃទី៣១ ខែសីហា ឆ្នាំ២០២២ របស់សាលាដំបូងរាជធានីភ្នំពេញសម្រេចរឹបអូសជាបណ្ដោះអាសន្ននូវគំរោងលំនៅដ្ឋានមាស((Gold Villa)ចំនួន០៤ទីតាំងស្ថិតនៅភូមិស្រែអំពិល សង្កាត់ស្នោរ ខណ្ឌកំបូល រាជធានីភ្នំពេញ ។ សូមបញ្ជាក់ថា ម្ចាស់គំរោងឈ្មោះ សេង ណារី ភេទស្រី និង ឈ្មោះ ស៊ុន ជាមាន ភេទស្រី (កូនបង្កើត) ដែលមានអាសយដ្ឋានបច្ចុប្បន្នស្ថិតនៅភូមិស្រែអំពិល សង្កាត់ស្នោរ ខណ្ឌកំបូល រាជធានីភ្នំពេញ។ ដើម្បីកុំឲ្យមានការលក់ ផ្ទេរកម្មសិទ្ធិ ឲ្យទៅជនទី០៣ ឬធ្វើការកែឆ្នៃ ដែលនាំឲ្យបាត់បង់ស្ថានភាពក្នុងគោលបំណងការពារប្រយោជន៍ស្របច្បាប់និងជៀសវាងការខាតបង់ប្រយោជន៍របស់ម្ចាស់បំណុល ហើយត្រូវរង់ចាំសេចក្ដីសម្រេចរបស់តុលាការជាមុនសិន។ សូមជម្រាបជូនសាធាណះជនថា៖ កាលពីថ្ងៃទី០១ ខែមករា ឆ្នាំ២០២២ ឈ្មោះ សេង ណារី ភេទស្រី និង ឈ្មោះ ស៊ុន ជាមាន ភេទស្រី ត្រូវជាកូនបង្កើត ជាម្ចាស់គំរោង បានចុះកិច្ចសន្យាម៉ៅការសាងសង់ផ្ទះល្វែងចំនួន០៣ល្វែងជាមួយម្ចាស់បំណុល មានទីតាំងស្ថិតនៅភូមិស្រែអំពិល សង្កាត់ស្នោរ ខណ្ឌកំបូល រាជធានីភ្នំពេញ លុះរហូតដល់ថ្ងៃទី១៧ ខែកុម្ភៈ ឆ្នាំ២០២២ ឈ្មោះ សេង ណារី ភេទស្រី និង ឈ្មោះ ស៊ុន ជាមានបានចុះកិច្ចសន្យាម៉ៅការសាងសង់ផ្ទះវីឡាទោល១ផ្ទះទៀត ស្ថិតនៅនឹងទីតាំង សរុបទាំងប្រាក់ទំាងអស់ចំនួន១៣៤,២៨៩$(មួយសែនបីម៉ឺន បួនពាន់ពីររយ ប៉ែតសិបប្រាំបួនដុល្លារ)។ ក្រោយពីបានចូលសាងសង់ស្ទើរសម្រេចបានមួយរយភាគរយ ហើយនោះ រីឯប្រាក់ដែលឈ្មោះ សេង ណារី ភេទស្រី និង ឈ្មោះ ស៊ុន ជាមានបានទូទាត់មកឲ្យម្ចាស់បំណុល គឺបានត្រឹមតែ៧៧,០០០$(ប្រាំពីរម៉ឺន ប្រាំពីរពាន់ដុល្លារ)តែប៉ុណ្ណោះ។ហើយចំនួនប្រាក់ដែលនៅសល់ម្ចាស់បំណុល ដែលបានសាងសង់ជាបន្តបន្ទាប់សរុបអស់៥៧,២៨៩$(ប្រាំម៉ឺន ប្រាំពីរពាន់ ពីររយ ប៉ែតសិបប្រាំបួនដុល្លារ)ដែលឈ្មោះសេង ណារី ភេទស្រី និង ឈ្មោះ ស៊ុន ជាមាន ពុំបានទូរទាត់មកឲ្យម្ចាស់បំណុលឡើយ ។សូមបញ្ជាក់ថា៖កន្លងមកម្ចាស់បំណុលក៏ធ្លាប់បានពឹងពាក់មេធាវី ដើម្បីធ្វើការជូនដំណឹងស្ដីពីការទូរទាត់ប្រាក់ដែលនៅសេសសល់ដែរ។ប៉ុន្តែនៅតែមិនព្រមចូលខ្លួនមកទូរទាត់ប្រាក់ថ្លៃសាងសង់ ហើយឈ្មោះ សេង ណារី និង ឈ្មោះ ស៊ុន ជាមាន (កូនបង្កើត) ជាម្ចាស់គំរោងលំនៅដ្ឋានមាស(Gold Villa) តែងតែព្យាយាមគេចវេសមិនចូលខ្លួនមកអនុវត្តកាតព្វកិច្ចឡើយ ។ក្រោយឃើញរោគសញ្ញាទុច្ចរិត ធ្វើឲ្យប៉ះពាល់សេដ្ឋកិច្ច និង ខួចប្រជយោជន៍ដល់ម្ចាស់បំណុលយ៉ាងធ្ងន់ធ្ងរជាពិសេសគ្មានប្រាក់បើកឲ្យកូងជាង ថ្លៃទិញសម្ភារៈគ្រឿងសំណង់ផ្សេងៗផងនោះ ទើបម្ចាស់បំណុលសម្រេចដាក់ពាក្យស្នើសុំទៅតុលាការដើម្បីសម្រេចរឹបអូសរក្សាការពារជាបណ្ដោះអាសន្ន។ ទាក់ទិនក្នុងសំណុំរឿងនេះ មហាជនជាច្រើនបានលើកឡើងដាក់ការសង្ស័យថា តើគំរោងលំនៅដ្ឋានមាស(Gold Villa)ផ្ទះល្វែង ឬផ្ទះវីឡា របស់ឈ្មោះសេង ណារី និង ឈ្មោះ ស៊ុន ជាមាន (កូនបង្កើត)មានស្នើសុំអាជ្ញាប័ណ្ណនៅក្រសួងស្ថាប័នពាក់ព័ន្ធដែរឬទេ? ទោះបីយ៉ាងណាបច្ចុប្បន្ន ទីតាំងទាំង០៤ខាងលើត្រូវបានតុលាការសម្រេចរឹបអូសរក្សាទុកជាបណ្ដោះអាសន្ន ហើយជាការអំពាវនាវដល់ បងប្អូនប្រជាពលរដ្ឋក៏ដូចជាសាធារណៈជននិងអតិថិជនមុននឹងទិញផ្ទះល្វែងឬផ្ទះវីឡាស្នាក់នៅ ជាពិសេសផ្ទះនិងដីស្ថិតក្នុងទីតាំងខាងលើត្រូវសិក្សាពិចារណាសម្រេចចិត្តឲ្យបានច្បាស់លាស់ជៀសវាងចំណាយលុយទិញហើយពាក់ព័ន្ធប៉ះទ្រព្យដែលត្រូវបានកំពុងជាប់ប្ដឹងនៅតុលាការឬត្រូវបានតុលាការរឹបអូសធ្វើឲ្យខាតពេលវេលា បាត់បង់សេដ្ឋកិច្ច និងខាតទាំងមាសប្រាក់ជាដើម៕
វីដែអូ