លោកគឹមសន្ដិភាពរដ្ឋលេខាធិការនិងជាអ្នកនាំពាក្យក្រសួងយុតិ្តធម៌ក្នុងសន្និសីទសារព័ត៌មានស្តីអំពីការបិទខ្ទប់ភូមិសាស្ត្ររាជធានីភ្នំពេញនិងក្រុងតាខ្មៅនៃខេត្តកណ្តាលដើម្បីទប់ស្កាត់ការឆ្លងរាលដាលនៃជំងឺកូវីដ-១៩រៀបចំដោយគណៈកម្មការជាតិគ្រប់គ្រងនិងដឹកនាំការអនុវត្តវិធានការបិទខ្ទប់“គ.ប.ខ.”ព្រឹកថ្ងៃទី២៨ ខែមេសាឆ្នាំ២០២១នៅទីស្តីការក្រសួងត្តិធម៌បានបញ្ជាក់ថាការបិទខ្ទប់នៅក្នុងរាជធានីភ្នំពេញនិងទីក្រុងតាខ្មៅនៃខេត្ដកណ្ដាលអាចបន្តទៀតបើសិនប្រជាពលរដ្ឋមិនចូលរួមសហការទប់ស្កាត់ការឆ្លងជំងឺកូវីដ១៩។បើតាមលោកគឹម សន្ដិភាពក្នុងរយៈពេល១៤ថ្ងៃមកនេះទាំងអាជ្ញាធរនិងប្រជាពលរដ្ឋបានខិតខំដូចគ្នា ហើយទទួលបាននូវលទ្ធផលដោយកំណត់ជាតំបន់ចំនួន៣គឺតំបន់លឿង តំបន់លឿនទុំនិងតំបន់ក្រហម។ លោករដ្ឋលេខាធិការបន្តថា ការបន្ថែមចំនួន០៧ថ្ងៃនៃការបិទខ្ទប់រាជធានីភ្នំពេញនិងទីក្រុងតាខ្មៅ នេះដោយសារតែដើម្បីទបស្កាត់ឬកាត់ផ្តាច់ការចម្លងជំងឺកូវីដ១៩ ដែលរយៈពេលបិទខ្ទប់កន្លងមកនេះឃើញថាការឆ្លងនោះមិនរាលដាលទេគឺឆ្លងតែនៅផ្ទះនោះ។លោកបញ្ជាក់ថាការបិទនេះដើម្បីផ្តល់លទ្ធភាពដល់អាជ្ញាធរក៏ដូចជាគ្រូពេទ្យដូចជាការទប់ស្កាត់ ការព្យាបាល និងចាក់វ៉ាក់សាំងការពារជំងឺកូវីដ១៩។ ចំពោះតំបន់ក្រហម គឺជាតំបន់ដែលមានការឆ្លងកូវីដ១៩ធ្ងន់ធ្ងរ តំបន់លឿងទុំជាតំបន់មានការឆ្លងមធ្យមនិងតំបន់លឿងកម្រិតឆ្លងស្រាល”។លោកបានអះអាងថា “ការបិទខ្ទប់ អាចនឹងនៅមានបន្តទៀតបើសិនប្រជាពលរដ្ឋមិនបានចូលរួម និងករណីមិនមានការថន់ថយ ពីករណីឆ្លងជំងឺកូវីដ១៩។ ផ្ទុយទៅវិញបើប្រជាពលរដ្ឋបានចូលរួមទប់ស្កាត់និងមានករណីជំងឺកូវីដ១៩មានសភាពធូរស្រាលឡើងវិញ”៕
វីដែអូ