បន្ទាយមានជ័យ: ការដ្ឋានសាងសង់ផ្ទះល្វែងក្រុមហ៊ុនដឹផាក ស៊ីធី របស់លោកឧកញ៉ា ឡៅ ប៊ុនប៉ា ត្រូវបានអាជ្ញាធរក្រុងប៉ោយប៉ែតសម្រចផ្អាកការសាងសង់បន្ទាប់ពីក្រុមការងារបច្ចេកទេសបានសម្លាប់មនុស្ស៥នាក់និង៤នាក់រងរបួសធ្ងន់កាលពីរសៀលថ្ងៃទី១២ សីហាឆ្នាំ២០២០កន្លងទៅ ។ ការផ្អាកមិនអោយសាងសង់គឺដើម្បីអោយក្រុមហ៊ុនធ្វើការដោះស្រាយអោយចប់ជាមួយជនរងគ្រោះនិងផ្លូវច្បាប់។តែរហូតមកទល់នេះជនរងគ្រោះមួយចំនួននៅមិនទាន់ទទួលបានសំណងនៅឡើយទេ។ ទោះបីជាសំណងនៅមិនទាន់បានដោះស្រាយចប់ គេឃើញថា សំណង់ខាងលើនេះបានផ្តើមសាងសង់ឡើងវិញក្នុងរូបភាពលួចលាក់ និងទំនងជាបានភ្លើងខៀវពីអាជ្ញាធរ។ ពាក់ពន្ធ័ករណីសាងសង់នេះដែរលោក គាត ហ៊ុល អភិបាលក្រុងប៉ោយប៉ែតបានប្រាប់តាមទូរសព្ទ័ថា រដ្ឋបាលក្រុងបានតែត្រឹមតែបិទប៉ុណ្ណោះ ចំពោះករណីដែលក្រុមហ៊ុនលួចធ្វើឬសាងសង់ឡើងវិញនោះ មិនមែនជាអំណាចរដ្ឋបាលក្រុងទេ វាជាតួនាទីរបស់ជំនាញរៀបចំដែនដីនគរូបនីយកម្មនិងសំណង់។ លោក អាង ណារឹទ្ធិ ប្រធានមន្ទីររៀបចំដែនដី នគរូបនីយកម្មនិងសំណង់ខេត្តបន្ទាយមានជ័យប្រាប់តាមទូរសព្ទ័នាព្រឹកថ្ងៃទី០១ខែតុលាឆ្នាំ២០២០នេះថា មន្ទីរមិនមានអំណាចក្នុងការបើកអោយដំណើរការនោះទេព្រោះថាករណីបង្ករអោយមនុស្សស្លាប់និងរបួសកាលពីពេលកន្លងមកមិនមែនជាបច្ចេកទេសសំណង់នោះទេវាជាបច្ចេកទេសសាងសង់ដូច្នេះ អាជ្ញាធរក្រុងបិទ ត្រូវតែជាសមត្ថកិច្ចអាជ្ញាធរក្រុងជាអ្នកបើក។កន្លងមកលោកបានឃើញលិខិតស្នើរសុំដំណើរការសាងសង់ម្តងដែរកាលពីអំឡុងពាក់កណ្តាលខែកញ្ញា ប៉ុន្តែមិនដឹងថា បានបើកវិញហើយឬនៅ។ សូមរំលឹកផងដែរថា កាលពីរសៀលថ្ងៃទី១២ សីហាឆ្នាំ២០២០កន្លងទៅក្រុមហ៊ុនបុរី ដឹផាក ស៊ីធី របស់លោកឧកញ៉ា ឡៅ ប៊ុនប៉ា ស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្ដបន្ទាយមានជ័យបានដួលរលំដងសន្ទូចដែលកំពុងស្ទូចផ្ទាំងថ្មឡើងទៅលើ បណ្តាលអោយផ្ទាំងថ្មធ្លាក់មកលើផ្ទះពលរដ្ឋនៅក្បែរនោះសង្កត់លើហ្វូងមនុស្សស្លាប់៥នាក់ភ្លាមៗនិង៤នាក់ទៀតបញ្ជូនទៅសង្គ្រោះ។ក្រោយកើតហេតុរដ្ឋបាលក្រុងបានសម្រេចផ្អាកការសាងសង់ការដ្ឋាននោះភ្លាមៗផងដែរ។បន្ទាប់ពីកើតហេតុ ក្រុមហ៊ុនដឹផាក ស៊ីធី បុរីរបស់លោកឧកញ៉ា ឡៅ ប៊ុនប៉ា បានចូលរួមចូលបុណ្យសព្វជនរងគ្រោះក្នុងម្នាក់ ៣០០ដុល្លាជាសំណងបឋម ក្នុងការចូលរួមបុណ្យសព។ ក្រោយពីកើតហេតុលោកឧត្ដមសេនីយ៍ត្រី សិទ្ធិ ឡោះ ស្នងការរងនគរបាលខេត្តបន្ទាយមានជ័យ បានអនុវត្ត ចំពោះនីតិវិធីផ្នែកព្រហ្មទណ្ឌ បានកសាងសំណុំរឿងបញ្ជូនទៅតុលាការក្នុងនោះតាមការពិនិត្យកោសលវិច្ច័យ ឃើញថា ទី១ ខុសបច្ចេកទេសមិនបានពិនិត្យឲ្យគ្រប់ជ្រុងជ្រោយ ហើយដីមានសភាពទន់ជ្រាយ ផ្អៀងម្ខាង រួមផ្សំនឹងខ្យល់ផងនោះ ធ្វើឲ្យដួលរលំដងសន្ទូចដែលស្ទូចធ្ងន់តែម្ដងទៅ ។ទី២,គឺអ្នកបញ្ជាគ្រឿងចក្រ មានការធ្វេសប្រហែស ។ បច្ចុប្បន្នអ្នកបញ្ជាគ្រឿងចក្រត្រូវបានឃាត់ខ្លួន បញ្ជូនទៅតុលាការ ។ ដោយឡែកមេការទុកឲ្យតុលាការចាត់ការបន្ដ។ បច្ចុប្បន្នមេការទទួលខុសត្រូវបញ្ជាគ្រឿងចក្រ បានរត់គេចខ្លួនបាត់ស្រមោល។ដោយឡែកលោក ឧត្តមសេនីយ៍ទោ អាត់ ខែម អតីតស្នងការនៃស្នងការដ្ឋាននគរបាលខេត្តបន្ទាយមានជ័យ បានលើកឡើងថា ជនបង្កគឺជាអ្នកបញ្ជាគ្រឿងចក្រ កំពុងស្ថិតក្រោមរង្វង់នៃច្បាប់ មួយទៀតជាម្ចាស់បុរី ក៏ជាអ្នកទទួលខុសត្រូវដែរ ដូចនេះ អ្នកទទួលខុសត្រូវមានអ្នកបញ្ជាគ្រឿងចក្រ និងម្ចាស់បុរី បើទោះជនទាំង២ មានចេតនា ឬគ្មានចេតនាក្តី ក៏ត្រូវទទួលខុសត្រូវចំពោះមុខច្បាប់ដែរ។។៚ទំនាក់ទំនងកម្មវិធីផ្សាយនឹងពាណិជ្ជកម្មផ្សេងៗតាមរយះលេខ Tel:0883070002 !!!
វីដែអូ